يالعقاب اللي على المشراف وسع لي ...ترانـي
ضايق (ن) من عاما الاول وادهله قبلك ...وادله
يوم ربي قد كساك بريش وش لك في ...مكانـي
ماتخاف مـن العقوبـــه يـــوم تاتيـه ...وتحلـه
دام لك جنحـان وش تبقـي بمشـراف البيانـي
خل مشراف الفقير اللي بـلا جنحـان ...خلــــه
دام لك جنحـان وش تبقـي بمشـراف البيانـي
خل مشراف الفقير اللي بـلا جنحـان ...خلـــه
ذا مكاني يوم رمح الغدر من حره زواني
ما لختالي علي حــجـــه وانـا ســـلـه ودلــــه
وذا على ماقيل شماعة همومي لابلاني
صاحب(ن) ياكل يديه وهو على مذهب وملــه
لابديته ماحسد راع الترف واهل ...المباني
يحسبــون ان فرقهم واضح علي واقـول ..لله
سجة في راس مشرافي وانا اغطرف..الاغاني
.والله انها في عيــوني عن مية فنـــدق ..وفله
فيه احس اني على احسن حال واني شخص ثاني
واتحلل مـن حرام الهـم لاجيتـه ... واحلــــــه
وذا مكاني عقب ماصبري على كبدي ...كوانـي
والله ان كنــي بعد فرقاه بيـن كفـــوف ...ملـه
واحد(ن) زله حشاي ومسكنه بيـن ...المحانـي
مسكنه بين المحانـي والحشـا والصدر...زلــــه
قلتها له قبل لا وقتي على الشعر... يحداني
خايف مالله يتمـم واعـــرف ان فــلان ...علـه
قال خل اشكوكك اللي تتـرك الـراوي ظماني
مـايصيبك فـــي جبينـك مـن خلقـك الله تشـله
قلت ذا والله بلاي واشوف وش مدة ...زماني
لايكــون اللي كتب لي (فارقه من غيـر ...زلـه
لا تضيق مـن التشاؤم واحتمالات الأناني
خايف(ن) اشرب بعد كاس النصر كـاس المذلـه
قال وش تبغي بحكي الحزن والدنيـا ...فهانـي
لاتعيشنا زمـان الحـــزن قبـل يحـــل ...حلــــه
قلت ماتدري وانـا الـداري بعاقبـة ...التمانـي
غير عاهدني وريحني واشـل الحـزن ...كلــــه
قال شفت الموت لو بيدي ماهو كفو ...لخذاني
بس لاتشره علي لو لبسونـي غصـب ...حلــــه
قلت ماتدري وانـا الـداري بعاقبـة ...التمانـي
غيـر عاهدني وريحني واشـل الحـزن ...كلـــه
قال شفت الموت لو بيدي ماهو كفو ...لخذاني
بس لاتشره علي لو لبسونـي غصـب ...حلــــه
قلت اجل وانا وفاي من الجدي حتى ...اليماني
مرتضـــي غيـــرك ولااظنـه ولاظنـي ...لابــالله
قال اجل سلم على روحك وانا كلي ...تهاني
يــوم عرسك والله ان اهـل مجـدولي ...وافـلـــه
وراحت اسنين التلاقي مشيها مشي الثواني
مادرى عن حبنا الا ظــــل محبــــوبه ...وظــلــه
غير حول يالعقاب وخـل مشرافـي ...ترانـي
ضايق(ن) من عاما الاول وادهله قبلك ...وادلـه
قلتها ماقصدي انـه يقـال صـح الله ...لساني
قــلتهـا لعيـــون مـن ســـبـب كتـابتهـا ...لعـلـــه
الشاعر محمد بن فطيس
ليست هناك تعليقات:
إرسال تعليق