راكب اللي تقل يعطيـك ابتسامـه

راكب اللي تقل يعطيك ابتسامه
لانطحك مع البلد والجندليه
جيب شاصي حوض تايوتا العلامه
مثل حرف الهاء تلوح بمقدميه
مثل لون الذيب واليا اسهم اسهامه
ماتشوفه لين تسمع له وحيه
السبير بغاربه تقول شامه
وارد ألفين وثلاثه ماش زيه
دفتره مافيه لباس العمامه
فوقه النخلة وسيفين محنيه
وقبل يعتمده وكيله لإستلامه
وقعه نايف وزير الداخليه
شغله ياسايقه واربط حزامه
ووأزن مراته وفلل تانكيه
ولاانتهض صدره وصكيت الاجامه
الرياض من القصيم تقول ميه
ولا دخلت بعاصمة نجد اليمامه
وشفت برج المملكه والفيصليه
انحر الربوة وعلمك في زمامه
عانها شرقاٍ جنوب من العليه
واقلط بقصرِاٍ لبيبانه ردامه
يشبهن دروازة ٍ بالناصريه
المعونه يابو ناصر والسلامه
يا جناب الشهم والراح النديه
ياخو مانع ما علي فيها ملامه
وأنت ياحثلان راعى الاولويه
المصلي مايسلم قبل امامه
وانت معطيني وعد والشيء نيه
يالسبيعي عيدنا شوفك تمامه
بين عيد الفطر واعياد الضحيه
الفخر بالطيب والعيب الرخامه
دام لي روح ٍ مع الحيين حيه
كان ماجيت لمحلي للكرامه
(شفة الفنجال) حارمة ٍ عليه

تحميل(MP3+فيديو) شيلة ماعاد للصبـر عندي يـاهوايه مجال اداء منير البقمي 2014

MP3 الرابط التالي:

http://goo.gl/NGfYwE

فيديو الرابط التالي:

http://goo.gl/XS4aqA

8

كلمات :

ماعاد للصبـر عندي يـاهوايه مجال

الله ماحمل الانفـس بمـالاتطيــق

يكفيني الي مضالي في الزمن من ليـال

فيها من الهم والاحزان مالـي رفـيــق

عطيـتك القـلـب واهديـتك ربـوع الخـيال

وحميتـك مـن الحسـود الـي علينـا يويـق

وعنيت رجلي على شانك جنوب وشمال

وعشقت لجل المحبه والوفاء كـل ضيـق

ورضيت في حكمك الي يوم مال الظلال

خليتنـي فـي بحـر هـمـي وحـزنـي غـريـق

واليـوم مـرت ثــلاث سنـيـن يـابـو الــدلال

قضيتهـا بالامـآل ابنـي جـسـور الطـريـق

مـرت بـعمر الفـراق وباقياًلايزال

ماني بسيرك انا في الوقت حراً طليـق

صحيـح مال الحمـول الاظهـور الجـمـال

لاكـن مـال الفـريق الامـدرب فــريــق

شـعـوب الامــه تظـاهـر كــل يـــوم وقـتــال

عـجـزت تحـمـل مــن الحـكـام مــالا يلـيـق

وانـا سعـودي وفـي حكـم السعـود الـعـدال

والله مارضابـهـا لــو كــان شـبـت حـريــق

ارحـل عـن القلـب والعمـر الشقـي للـزوال

ياكم جفاني حبيـب وكـم جفانـي صديـق

مـاعـاد للصـبـر عـنــدي يـاهـوايـه مـجــال

الله مـاحمـل الانفـس بـمــالا تــطــيــق

تشرفني بمتابعتك

,..

تويـــتـر:   http://twitter.com/Qaceed

انسـتقرام:   http://instagram.com/qaceed

فيسبـوك:   http://www.facebook.com/qaceed

مدونـــة:   http://qaceed.blogspot.com/

تحميل(MP3+فيديو) الفنان خالد عبدالرحمن يارب رحمتك قبل الموت وكروبه قبل الكفن والنعش والقبر وحسابه

تحميل MP3 :
http://goo.gl/HqFeX3


تحميل فيديو:
http://goo.gl/ZiCMye


كلمات:


يارب رحمتك قبل الموت وكروبه 
قبل الكفن والنعش والقبر وحسابه
اغفر ذنوبي ولا تجعلني العوبه
للنفس وابليس والشيطان واحزابه
انا بوجهك من الاهوال ودروبه
وانا بوجهك من الخذلان واسرابه
يمضي بي الوقت والاقدار مكتوبه
محدن بيمنع قدر ربي ولا عقابه
خلك مع الله ترى الايام محسوبه  
اعمل لربك ولا تغفل عن كتابه
لاياخذك عنفوان الشعر وطروبه
ولا تقضي حياتك حزن وطلابه
ماينفع العبد لا ماله ولا اسلوبه
في يوم تشخص به الابصار مرتابه
الله هو الباقي الي كلنا صوبه
ولا نعيم الحياه افراح كذابه