مدونة عذب القصيد

أفضل طرق عيش الحياه بسعـادهـ

أفضل طرق عيش الحياه بسعـادهـ
هو أنك تعيش الحياه بسعادهـ

أنت أنعكاس لفكرتك يعنـي
أن كنت حزين ؟ صار الحزن و الهم عادهـ

وأن كنت دايم مبتسم و متفائـل
كسبتها مع السعاده عبادهـ

ماطوّل العمر القصير التوتـر
يطوّل العمر القصير الارادهـ

تفكيرك فـ بكره مظره ليومـك
وبكره بتفكيرك فـ بعده نكادهـ

عش في حدود اليوم وأفرح له اليـوم
واختار طلعاته و لبسه وزادهـ

جمرني ابدفى من التجمير

جمرني ابدفى من التجمير

وبفرح ولو النفس نقاده

يا شهر تسعة جعل ما بك ضير

بك يوم ميعادي بميعاده

جبه وجبني صب ذايب مير

معاه خاتم شوق وقلاده

ووجه رسايل دعوة وتحذير

لأشياءنا إلي غير معتاده

لأحلامنا الواجد عن التحرير

وقصة سجين يحب جلاده

ووسائل التشويق والتحذير

والشعر بوصوله وبأبعاده

والغيم وزخات المطر والطير

وبخار فم البردة وقناده

وسيد جنيد وسيده كارتير

وبكلات ليل يشقر اسواده

والقبعة والمعطف الحرير

والنادلة والقهوة الساده

والمرحباه اللي لها تخدير

وقلم ودفتر سلك ووساده

والنمل والنسناس والنوير

وأبو علي واجداد اجداده

وابو عمر والسايس الفقير

وجنايني الشتلات ابو غاده

والصبر والفراش والتقدير

وبنات كل الحي وأولاده

في شارعه يتجمعون عصير

للتهنئة في عيد ميلاده

ولا خلص التصفيق والتصفير

من كل مجموعة طلع قاده

وقالوا رجاءا مانبي تأخير

رددوا ورانا بذوق وإجاده

مع بعض كل عام وانت بخير

يا أغلا البشر يا سيد الساده

هذا وسامحنا على التقصير

والله يزود في عمرك أعياده

وانا اللي أحبك محبة غير

من قلبي ومن فوده أفواده

كل عام وانت بخير وانا بخير

كل عام وانا أحبك زياده

وكل عام وانا كافح التفكير

واحبك بإصرار واراده

وكل عام وأنا أقاوم التغيير

وكل عام ولا انت على العاده

وكل عام ودموعي عليك تحير

وهذي السنة بالذات هداده

وكل عام تكبر به ترد صغير

كأنك تسوي لوجهك إعاده

يا كبدي إلي معك كبد بعير

مرددن غاربه لشداده

ويا حب قلبي لقلبك الشرير

الأبيض اللي عناده عناده

سياسة التوطين والتهجير

ما خلت الفقير في بلاده

والله وكبرنا والأماني بير

مصداره يشابه لميراده

سبعة وعشرينك عساها تصير

ميه على عز وعلى عباده

يا حبي الأول ويا الأخير

اللي قديمه ورث أجداده

كل عام وأنت بخير وأنا بخير

وآشيب وانا أحبك زياده

يجيب السفــــر طآريك يآحي ذا الطاري

وأنا بين تغميض العيون ومدامعها

غريب السفر والأغرب إحساسه الناري

ياكم ناس فرقها وكم ناس جمعها

فـ على الرغم من كمية الكبت الإجباري

يبين شعـــــور النآس لما توآدعها

وانا لا بكيت البكي جهدي وإصراري

أحس إني انظف خلق ربي وأروعهآ

ترى الشآعر ليا حب ينجـــــن ويمآري

مثل من معه ثروه ويبغى يوزعها

أحبــــــــك وإذا ماكنت داري انا داري!!

أنا كل يوم اقولهـــــا لو ماتسمعها

حبيبي .. حبيبي للوفــــــآء بايع وشاري

تخون النفوس مالقت شي يمنعهآ

هداياي كتبي..بآقي أغراضي..أشعاري

إذا انّا افترقنـــــــا طآلبـــك لاتقطعها

تبرع بها لو ما أنت راغب ولاضاري

لعل وعسى تلقى لها ناس تنفعها

هناك أُناس يفكرون كثيرا بلا طائل وأنا منهم

هناك أُناس يفكرون كثيرا بلا طائل وأنا منهم
وهناك أُناس يعانون مشاكل وأنا منهم ..
وهناك حلول
وهناك مشاكل
الأتعس البسيط
أنّه يوجد نوع من المشاكل ليس لها حلول نهائيا
لأن علاجها واضح لكن المعنيين لا يريدون
هنا يأتي الزمن .. الكفيل بها
يحلّها وإن لم يحلّها يغير ظروف ابطالها
فتصغر . لذلك لا تجاهد كثيرا
لحل هذا النوع من المشاكل ولا تحزن لعدم القدرة على حلّها
اصبر .. تغافل .. تعايش .

با ارحل وباتي . إذاني باقدر آتي

با ارحل وباتي . إذاني باقدر آتي

بس اخاف ارحل ولا عاد اقدر آتي

لأن هذا حظي ، وهذي صدوفه

يكره استقراري ويغلي اشتاتي

وعاد عقلي كل ما جيت اتشتت

يحسب اشتاتي على قدر امنياتي

والبلا . ان كل ما عقلي تمنّى

ما حصل لا في اشتاتي ولا ثباتي

يمكن ان وضعي وضع سيئ ويمكن

ما تحمّل جسمي كبار اشهواتي

والدليل ان ودّي ما ارحل وشفني

اربط اشلائي بمحزم ذكرياتي

يا حبيبي ليتني ما كنت احبّك

لاجل احبّك دبل واسوي سواتي

يعني كل شي حطّة فـ عقلك وحاته

إلا بخصوص انّي احبك .. لا تحاتي

لمّني وامسح دموعك ..وابتسم لي

وحبني منّا .. ورتّب حاجياتي

واعرف ان ما ودي اتكلم ولا ابكي

بس دايم دمعي يحرّك سكاتي

شي واحد قبل لا ارحل باقوله

انت.. اجمل حظ سيء في حياتي

بيروت يا مجمل شوارعك بالليل

بيروت يا مجمل شوارعك بالليل
قلة صخب وانفاس شوق وهداوه
كنك تشبين الاماني قناديل
حلوه وزادك نور عيني حلاوة
ابو الدلع وابو الرموش المظاليل
وابو تفاصيل الغلا والحفاوة
احلى من الرمان واعذب من الهيل
كله ترف على شوية طراوة
مسميٍ بالله من شدة الحيل
كن بينه وبين القساوه .. عداوه
حضاري الا بالحكي والتفاصيل
حكي بدوي ما يعرف البداوه

مسا قطر وقلوب يملاها الايمان

ومساء خيرٍ جعل ربي يديمه

ومسا الرجال أهل الوفا اطوال الايمان

ومساء نون النسوه المستقيمة

ومسا الحضاره والتطور والإتقان

ومسا التمسك بالأصول القديمة

ومسا التعلم والتقدم والإمعان

وزرع التسالم في العقول السليمة

ومسا العديد ورأس لفان ودخان

والدوحة التي ماتثمن بقيمة

ومسا الوجبة والتسامح والإحسان

وشيخ الشيوخ اللي يفك الظليمة

عطاه متغرشي فقارا وشيخان

وسياستة خلت خصيمة نديمة

زعيم بـ اطباعه وبأخلاقه انسان

ويمناه براقي ويسراه ديمه

ماهي غريبة لاتميز ولا ازدان

عظيم لأن وراه زوجة عظيمة

الله يديمك يا قطر أمن وأمان

والله يحفظ أهل القلوب الرحيمة

دايم نحط اللوم على الآخرين

وننسى اننا ..للآخرين ؟ الآخرين

الانسان دايم يرمي أخطاءه لغير

والغير يرمي الغير الين الين الين

الباحثين عن الحقيقه يتلقون

فيهم ... وهم عن الحقيقه باحثين

الدائرة من أنشط انظمة الحياه

الحين مدري ليه يطلع بعد حين

عندي يقين ان كل حس وله رديف

حتى بديت اشك ..ان عندي يقين

لا شفت لي بسمه اقول فخاطري

هذي قبل انين او بعد انين

ما فيه شي الا بشي يقابله

ولو كان مابه غيب مابه مؤمنين

احيان احس انه محد يشبه احد

واحيان احس انّا لنا مكررين

حنا الغريبين ف دواخلنا وانا

مستغرب ان حنا محن مستغربين

ما نلتقي فينا سوى في ضعفنا

لحظة مرض او خوف او لوعة ضنين

نستحقر اللحظات واحنا نعيشها

احياء لو نفهم شعور الميتين

اليوم دايم ننتظر بكره عليه

واليوم .. كان ال بكره المملي حنين

مجهول بكره اجمل من المعرفه

السحر دايم من ورى متى ووين

وكل شي في بكره يجوز اصدقه

في يوم من الايام كنت انا جنين

وال كنت رابط قبلها مع بعدها

ال كنت احياناً تسوي شي زين

انا القديم وانا الجديد ف معركه

وانا اللي من بين الثنين ..الله يعين

تعبت حيل اشوف نفسي من خلال

نفسي ونفسي مالها في نفسي عين

المؤمن مراية اخيه وناصحه

وانا م بين العالم المتأرجحين

ان افرحو خذوا الحياه بعرضها

وان امرضو صارو تقاه ودينيين

الفاشلين اليا تحدوا بينهم

اولهم اول بس بين الفاشلين

تطفو على سطح الحياه عقولهم

العمق فارغ من عقول الفارغين

يارب انا متعب ومتعبني انا

يارب ليتك خالقٍ مني ثنين

واحد يجازي السيئين بسوءهم

والثاني يعفو عن مساو السيئين

لله حكمه والردى يوم انخلق

يمكن عشان انعرف قدر الطيبين

مظاهر الاشياء مثل بطونها

ويا كم صرخه في شفاه الساكتين

عين الطموح تشوف فالعثره فرص

وعين اليؤوس تشوف فالفرصه كمين

احلم واعزي نفسي اليا من ذكرت

ان اغلب اللي فالسجون الحالمين

وانا مع اللي يختزلني ذكرها

افرد يديني بس ما عندي يدين

لها فصدري من مكان ومن زمان

ما يغرق المحجر وما يندي الجبين

احبّها ينقذني الله منّها

اخاف اموت وعادني فيها مدين

مدري الزعل مدري الاهل مدري الظروف

مدري ..ولكن ادري ان وضعي مشين

لانيب ناسيها ولا واصل لها

وانا اللي متعلق فكل الحالتين

من كثر ما هي ذروة الموت الاخير

انا معى كل شي بي.. متنافسين

احلامي خلتني وغدت تحلم بها

شف حتى احلامي معاها خاينين

الياسمين الياسمين الياسمين

ترديد اسم الورد حوّلكم الى

مستنشقين وانتو اصلا سامعين

وشلون انا اللي كل وقت اردده

انا اعيش ف حقل من نور وحنين

وكن تساميها على اطباع البنات

تسامي النخبه على المستشعرين

يا كيف يسلى من وجه حبيبته

كنه صباح العيد عند المسلمين

من ينحرم منه حرم عيديته

ومن شافه من العايدين الفايزين

مافيه شمس الا وتسألها الفجر ..

انا اليوم اشرق او انتي تشرقين؟

احبها وحبي من النوع القديم

اللي يبين ونصف عمره مايبين

ياكم وياكم من شفوف ومن حقوق

عاشت وماتت في صدور المستحين

وياكم وياكم من كروب ومن دروب

تذوب ل اقدام الرجال الشاسعين

اعلم اللي يحسب انها بالعمر

ماكبرت بعض الرياجيل السنين

ربّاه والدنيا صحيح مربيّه

لكنها ماهيب مثل الوالدين

كان العطا هديك والاخذ بملتك

عسانا معطين وعسانا ماخذين

وعسانا لامن كلحّت واستمحلت

على افواه اجياعها متوزعين

وعسانا لامن ايئسو سمّارها

انّا بما تقسم لنا متفائلين

وما الحياه الا علامات وحدود

ماتعّب التالين عقب الاولين

مهما وصلت من الشعور ابقى بها

وش فايدة حريتي وانا سجين

اللي ابيه اكبر من انه ينشعر

ما اعرفه لكني ادري انه ثمين

فلا يعتتب مثلي ليامنه حزن

الحزن من انعام ربي العالمين

الحزن انسانيه ف عصر الجمود

لذا انا سعيد لاني حزين

حاولت اعيش مع الاماني في سلام

لقيتني اضيق والا هي تضيق !

انا الغريق اللي يدور عن الوئام

مع البحر حتى و لو انه غريق

ياصبر انا المأموم والا انا الأمام؟

انا الغريق انا الطريد انا العشيق

انا ابتسام الرد على الابتسام

ودمع الشقيق ليا انحدر على شقيق

هذا الكمال اللي تشوفه من حطام

هذا القسى اللي تشوفه من رقيق

الشمس ترسل نورها على الانام

وهي من الداخل متاهات وحريق

على ابواب الملك .. ألد الخصام

باقي شوي ويسقط الملك العريق

اجارتك يارب من صغر المقام

في ساعة يدور بها الحلق ريق

مانيب خايف من ضياع ومن ظلام

اخاف اوقف وانا في نصف الطريق

حدايق البن والياقوت

عن غيث رجواي تسألني

آخٍ على نظرة الجبروت

العارفتني .. وتجهلني

انا فدا جذعك المنحوت

امهلني لكن لا تهملني

ولدك انا والحياة تفوت

الى متى وانت تعزلني

لو اني املك سحر هاروت

ما اقولك غير ظللني

يا سيد الصمت هاك الصوت

وبصوتي اسمعني وقتلني

علمتني ما اخاف الموت

واخير شي انت تقتلني

أرشيف المدونة الإلكترونية