ياوجودي وجد مكزوز الرماح ... طاح بين اعداه كلن يضربه
اتوجد من هوى ذاك الصباح ... اهربه بالفكر يرجع ؟ واهربه
ليت ما عطر المحبه يوم فاح ... ماوصل خشم الفؤاد ومر به
الصحيب اللي جعل صدري براح...ضيّقه جعل الفدا والنذر به
احسب انه مائي العذب القراح...ما أدري انه جم بير مغثربه !
اي نعم غزير حبه بس .. آآآح... البحر غزير لكن تشربه ؟؟؟
ما يبل الريق مطعوم الملاح...الضما منه وحتى الغدر به
لو يفرق بالحرام وبالمباح ... كان فرق مشرقه من مغربه
الجمال اللي كسا كتفه وشاح...ظني انه لعب به واغتر به
اشتكا كلمته مختار الصحاح...له معاني غير كنه ايعذربه
قال احبك ثم احبك ثم راح !! ... شرهة الاعب على اللي دربه
في أمان الله يا مال الصلاح ... بأعتبر حبك مجرد تجربه
